مش عارفة
كلمة لا تحمل اى معنى أو رد فعل
ومع ذلك لقيتها واخدة مساحة كبيرة اوى من حياتى
ويمكن من حياة ناس كتير
لقيت معظم ردودى بمش عارفة
حتى وانا بتناقش فى أى موضوع
لازم تدخل فى وسط الكلام
ساعات بحس فعلاً انى مش عارفة
ومش عارفة يعنى مش عارفة دى
ممكن نقول تايهه
مش عارفة أفكر
مش عارفة أعبر
مش عارفة أنا عايزة ايه
مش عارفة انا مبسوطة ولا مضايقة
مش عارفة انا مرتاحة ولا لأ
مش عارفة انا ليه كلمت صاحبتى دى ومكلمتش صاحبتى التانية
مش عارفة ليه الفكرة دى تيجى فى بالى
مش عارفة ارد فى الموقف ده اقول ايه
عايشة والحمد لله وكويسة
بـــــــــــــــــــس
مــــش عــــارفــــة
22 comments:
كويس جداً يا صديقتى العزيزه انك بدأت تلاحظى الموضوع ده لان فى ناس كتيره بتنتهى حياتهم و همه لسه فى مرحله مش عارفه
و يا ريت كمان بتبتدى تتخلصى منها بانك تكونى واثقه من نفسك خصوصاً فى المواضيع الى انت ملمه بيها و الى انتى مش ملمه بيها مش عيب تقولى معرفش و لو لقيتى ان برضه اغلب كلامك مش عارفه يبقى انت فعلاً ناقصلك كتير مفروض تبتدى تعرفيه
المهم انك لما تقولى حاجه تبقى متاكده منها و حاسه بيها حتى لو كانت مش عارفه
تصدقى طلعت انا مش لوحدى تايه
دى شكلها مشكلة جيل ياخونا
ع العموم كلمة مش عارف او مش عارفة لو زادت عن حدها تبق فعلا مشكلة
اما الكلمة فى حد ذاتها فهى جميلة جدا وكمان مريحة تحت مبدأ من قال لا اعرف فقد افتى
ana bardo kriit ba3mel 7agat w ba3d keda a2ol leeh ala2eni mosh 3arfa !
ana ba7eb 7ad keda w 5alas..ba3amelo we7sh keda w 5alas
if i tried to ask why sure hakon mosh 3arfa
feh 7agat malhash egaba..bas bardo bets2ali kol mara ma3 enk mosh 3arfa !!
Elmohem enk kowayesa w el7amdolelah :D
why me
ميرسى اوى على تعليقك بس يمكن انت مفهمتنيش كويس
فى ساعات تصرفات فى حياتنا ملهاش اسباب
قلبك او عقلك بيبقى مسيطر عليك فيها
بس فى ناس بقى لازم يوجودا اسباب لأى حاجة وانا منهم
عشان كده معظم الأوقات ببقى مش عارفة
ونورت البلوج
mansourawy
موضوع التوهان ده بيبقى لحظات بتفوت على الأنسان
تقدر تقول حالة وبنفوق منها ونرجعلها تانى
oma
ساعات التصرفات دى بتبقى بحكم العاطفة مش اكتر
بس نعمل ايه فى الدماغ الى عايزة سبب لكل حاجة دى
I DON'T KNOW it holds lots of meaning , how could you say it hold no meanings at all, it means you are courage enough to announce it , it means you are spending your life searching for a certain truth and still you can't find it.
Any way nice blog , I enjoyed reading your posts.
الموضوع مش موضوع اعتراف يا هشام
انا مش قصدى انى ارد بمش عارفة على أسئلة بتسألها
أنا قصدى ان يبقى فى حياتى حاجات ملها مبرر
وابقى مش عارفة انا عملتها ليه
وساعتها مش عارفة مش بيبقى ليها معنى
نورت البلوج ويسعدنى رأيك فى الموضوع
حلوة اوى انتى عارفة انك عندك حق ساعات تلاقى ان انسب رد مش عارفة
رد مقنع فى بعض الاحوال
كتير اوى يا امانى بيبقى أنسب رد
أو بيبقى الرد الوحيد
3arfa .. mesh 3aref leh ana mesh 3aref ana kaman
فاهماك كويس. نفس مشكلتي تمام. الكلمة أشبه بفيروس بيحاولوا يخلصوني منه!
شكلنا كلنا كده مش عارفين يا برويد
eve :
الحمد لله لقيت حد يفهمنى
لو لقيتلها علاجى ابقى قوليلى
اولا ميرسي علي تعليقك عندي و كل سنه وانت طيبه. ثانيا: "مش عارفه" دي من الحاجات اللي خلت حبي يضيع مني.خلت حاجات حلوه في حياتي تنتهي بسرعه .. تصدقيني اني كرهت الكلمه دي بجد.
a2ollek ana b2a 3ala haga wasaltelha ba3d wa2t tweel awe :)
ehna kolena bnb2a 3arfeen..
yea bnb2a 3arfeen mn gwana alsabab, bas bnfadal mansara7sh beeh wala 7ata lenafsena..
ya3ny garaby kda mara melly bet2oooly feeha enty msh 3arfa, wfakary ba3daha felmawdoo3 ally olty feeh msh 3arfa..
hatlaa2e enek 3arfa bas btesta3baty zay alnaas kolaha..
w arahnek enek akeed 3arfa leeh kalmty sa7betek de badal sa7betek altania :)
enty belnesbalek msh 3arfa,
bas enty mn gwaaky 3arfa w mot2akeda kaman ;)
والله انا مش عارف اقولك ايه
مش عارفة اقولك ايه:)))
لا بس فكرة معفوقة
محدش خد باله منها قبل كده مع اننا نص كلامنا فيه مش عارفة
احييكى
انا كمان بستخدم الكلمه دى كتير اوى
لما حد يسألنى مالك اقول مش عارفه
لما حد يسالنى على اى حاجه برضه بقول مش عارفه
لما بحاول اتكلم و اعبر عن نفسي ... برضه مش عارفه
اصبتى كبد الحقيقه
lockash
ميرسى على ايه بس البلوج واحد يعنى :d
ولما مش عارف تبقى السبب ان حاجات كتير مهمة تضيع منك يبقى لازم وقفة مع نفسك
Mony The Angel
منورانى يا قمرة ومنورة البلوج كله
على فكرة انا معاكى جداً بس عايزة أقولك على حاجة
ساعات فعلاً حد بيسألنى مالك وبتاع وأقول مش عارفة وانا جواياً فعلاً عارفة كويس بس ساعتها بقول كده عشان مش هعرف اعبر او مش هقدر اتكلم
لكن اوقات تانية فعلاً بعمل حاجات ملهاش مبرر والمشكلة عندى إنى لازم اوجدلها مبرر
حبيبت وجودك ورأيك اوى
empire
متقولش حاجة
كفاية نورتنى
nour
دا اللى خلى الموضوع جه فى بالى فى لحظة
ومش عايزة اقولك فتحت وكتبته فى خمس دقايق
لأنى عايشاه فعلاً
dolsica
نورتى البلوج
وربنا يتوب علينا من الكلمة دى
فهمتي غلط.. مش انا اللي " مش عارف" هي دايما كانت " مش عارفه" و معرفتش اخليها ترعرف..يتري العيب فيا و اللا فيها؟؟
معلش فهمت غلط
بص أنا معرفش تفاصيل الموضوع عشان احكم بس ممكن أقولك على حاجة
كونها مش عارفة دى بتبقى حالة بتسيطر على الأنسان لما يحس أنه داخل على حاجة جديدة فى حياته
وبيحس ساعتها انه تايه ومش عارف ياخد قرار
وساعتها بيفضل الهروب بكلمة مش عارف
هو طبعاً مش ذنبك انها مش عارفة
بس عشان تحس انه مش ذنبك خالص
يبقى لازم تديها فرصة
لأنى عارفة انها أكيد هتندم لو ضعت من إيديها بسبب الكلمة دى
السلام عليكم ورحمة الله وبركاته
مش عارفه انا دخلت عندك هنا ازاى بس
لقيت المدونه جات كده قدامى بالصدفه
كلمة مش عارفه لما بتكتر بتبقى دليل على عدم قدرة الانسان على التعبير عن نفسه
محتاجه تطلعى الى جواكى لحد اهل ثقه عشان وانتى بطلعى هتعرفى انتى مين الى بتكلم وساعتها هتبطلى كلمة مش عارفه
تقبلى مرورى الى جه كده من غير ما اعرف
ورمضان كريم عليكى وعلى المسلمين اجمعين
والسلام عليكم ورحمة الله وبلركاته
انا حسيت بكلامك اوى..يمكن لانى زيك...كان عنده حق الابنودي ومروان خورى لما عبروا عن جيلنا باغنيه دواير... كلامك حلو وبسيط بس فيه معنى عميق تسلمي
Post a Comment